ബുഗായ് ഓഫ് ആള്‍ ട്രേഡ്സ്

ഠേ, ക്ലീം, ക്ലാങ്ങ്....
നീ എന്തു കണ്ടാലും നശിപ്പിക്കുമല്ലോ ദത്താ!
ആ. ദത്തന്‍ നശിപ്പിക്കുമല്ലോ ബുഗായാ മോനേ (ബുഗായ്= ഗുഡ് ബോയ്. യൂസേജ് "ജാക്കി ചാന്‍ കുങ് ഫൂ ബുഗായ് ആണു മോനേ" )

സ്റ്റാറിന്റെ സ്ഥാനം

കടയില്‍ പോയി ഞാനും ദത്തനും കൂടി ഒരു നക്ഷത്രം വാങ്ങിച്ചു. വീട്ടില്‍ കൊണ്ടുവന്നു കഴിഞ്ഞപ്പോല്‍ അവന്‌ ഇഷ്ടമുള്ള സ്ഥലത്ത് വയ്ക്കാം എന്നു കരുതി ഞാന്‍ ചോദിച്ചു.
"ഈ സ്റ്റാര്‍ എവിടെ വയ്ക്കണം ദത്താ?"
അവന്‍ ജനലിലൂടെ ആകാശത്തോട്ട് ചൂണ്ടി
"അവടെ വയ്ക്കാം മോനേ."

സ്റ്റാറിന്റെ സ്ഥാനം അറിയാത്ത ഒരച്ഛന്‍.